2. Sebut Sembahyang "Apai kami"
3. Sebut Sembahyang "Tabi ka nuan Maria"
4. Sebut Sembahyang "Puji Ka Apai"
5. Diatu, nyebut Misteria
Udahnya sebut sembahyang "Apai Kami"
6. Sebut sepuluh kali sembahyang "Tabi Ka Nuan Maria"
Maya tu kitai tau meditasi ka (misteria) cherita nya
7. Sebut sembahyang "Puji Ka Apai:"
8. Udah abis siti genteran, sebut "Sembahyang Fatima"
9. Sebut Misteria Ke-Dua, udah nya sebut "Apai Kami"
10. Ulang nitih ka ator nya ba misteria bukai sampai abis.
11. "Sembahyang Ngagai Indai Maria" engau sampi penutup bukai.
Tanda Regang
Dalam Nama Apai enggau
Anak enggau Roh Kudus.
Amin.
Aku Arap
Aku arap ka Allah Taala,
Apai ti pemadu bekuasa,
ti pengaga serega enggau dunya.
Aku arap ka Jesus Kristus,
Anak tunggal iya, Tuhan kitai.
Iya nyadi mensia olih kuasa Roh Kudus,
di ada ka Maria, Dara Tuchi.
Iya diperinsa rambau Pontius Pilatus,
diregang, parai lalu ditumbak.
Iya murun ngagai sebayan,
udah tiga hari iya angkat idup baru.
Iya niki ka menoa serega,
lalu dudok ari sapiak kanan Apai iya.
Iya ka datai baru,
nyara orang ti agi idup
enggau orang ti udah parai.
Aku arap ka Roh Kudus,
Gereja katolik ti kudus,
saum orang sante pengampun samoa penyalah,
pengangkat samoa tuboh,
enggau pengidup ti meruan. Amin.
Apai Kami
Apai kami ti di serega,
Kudus meh Nama nuan
Kenatai ka perintah nuan
Nyadi meh peneka nuan
di dunya baka di serega
Beri kami sahari tu,
numbas pemakai kami.
Ampun penyalah kami,
baka kami ngampun orang,
ti udah salah ngelaban kami.
Anang mai kami ngagai penguji,
tang lepas ka kami ari penyai. Amin.
Tabi Ka Nuan Maria
Tabi ka nuan, Maria,
ti penoh olih nimet,
Allah Taala sejalai enggu nuan.
Nuan lebih bereka ari samoa indu
lalu beberekat Anak nuan, Jesus.
O Maria, ti kudus,
Indai Allah Taala
Kami orang ti besalah
minta nuan besembiang ka kami
diatu lalu maya kami parai ila. Amin.
Puji Ka Apai
Puji ka Apai, ka Anak, ka Roh Kudus;
baka mula kelia, kemaya tu,
lalu datai ka selama-lama iya. Amin.
Sembahyang Fatima
O Tuhan Jesus, ampun samoa penyalah kami,
jaga kami ari api neraka,
bai samoa samengat ngagai menoa Serega,
ka lebih agi sida ka beguna bendar pengasih Nuan.
Amin.
Lima Cherita Pengaga (Hari Satu, Hari Enam)
1. Gabriel nganjong pesan ka Maria
2. Maria nemuai soh petunggal iya Elisabet.
3. Tuhan Jesus ada di Betlehem.
4. Maria nyua Anak iya ka Allah Taala dalam rumah sembiang.
5. Tuhan Jesus ditemu Indai iya dalam rumah sembiang
Lima Cherita Penyinu (Hari Dua, Hari Lima)
1. Penusah Tuhan Jesus di kebun Getsemani
2. Tuhan Jesus dilunsin orang.
3. Orang ngenyak katapu duri di pala Tuhan Jesus
4. Tuhan Jesus ngesan Kayu regang.
5. Tuhan Jesus parai diregang.
Lima Cherita Pemuji (Hari tiga, Hari Minggu)
1. Tuhan Jesus angkat ari pemarai.
2. Tuhan Jesus niki pulai ka serega.
3. Roh Kudus nurun atau Rasul
4. Maria diambi melaikat ngagai serega.
5. Allah Taala ngasoh Maria ari atas samoa di serega.
Lima Cherita Penampak (Hari Empat)
1. Penampak Kristus dibaptisa ba Sungai Jordan
2. Jesus mandangka diri ba Gawai tikah di kana
3. Jesus meritaka perintah Allah Taala
4. Jesus berubah gamal ba bukit Tabor
5. Jesus nudukka Ukaristia
Sembiang Ngagai Indai Maria
O Maria Dayang serega, indai pengasih,
nuan pengidup, penyamai, pengandal kami,
kami ti merinsa ngangau ka nuan,
minta nuan ninga, ka kangau, ka tempalau,
ka sada, ka nyawa kami ti tusah diau di menoa tu.
Nya alai nuan ti penyaup kami,
kami minta perening, minta iching, minta peda,
minta tela, enggau mata pengasih nuan.
Asoh kami meda tuhan Jesus, Anak nuan,
O Maria, Dara tuchi, ti mentas, ti kasih,
ti rindu ka kami. Amin.
Besembiang ka kami Indai Kudus Allah Taala.
Ngambi ka kami patut deka nitih ka semaya Anak nuan Tuhan Jesus.
No comments:
Post a Comment